პრესის საუკეთესო ვარჯიში – ფეხების აწევა ღერძზე დაკიდებულ მდგომარეობაში.

მუცლის ქვედა პრესის საუკეთესო ვარჯიშად ითვლება ღერძზე დაკიდებულ მდგომარეობაში ფეხების აწევა. ის არის ძნელად შესასრულებელი და დამწყებმა შეიძლება ვერც კი შეასრულოს. ეს ვარჯიში რეკომენდირებულია მათთვის, ვისაც აქვს გარკვეული ფიზიკური მომზადება.

განსაკუთრებით ეფექტურია ეს ვარჯიში მუცლის ქვედა პრესზე, მაგრამ ფეხების საკმაოდ მაღლა აწევისას არანაკლებ იტვირთება მუცლის ზედა პრესიც. თუ რეგულარულად გააკეთებთ ფეხების აწევას ღერძზე, მისი შედეგი აისახება არა მარტო მუცლის პრესზე, ასევე ხელს შეუწყობს თქვენ პროგრესს სხვა ვარჯიშებში.

ამ ვარჯიშის შესრულებისას შესაძლებელია როგორც მაქსიმალური ეფექტის, ასევე ტრავმის მიღება, ამიტომ მისი შესრულების ტექნიკას მიუდექით სერიოზულად.

ჩამოეკიდეთ ღერძზე. ფეხები უნდა იყოს ჰაერში და არ ეხებოდეს იატაკს. თავდაპირველად ხელები და ფეხები უნდა იყოს გამართული, ჩაისუნთქეთ და შეიკავეთ სუნთქვა, შემდეგ აქნევების გარეშე აწიეთ ფეხები რაც შეიძლება მაღლა. ზედა წერტილში წამიერად შეყოვნდი და კიდევ უფრო დაჭიმე მუცლის კუნთები. ამის შემდეგ აკეთებ ამოსუნთქვას და ძალიან რბილად უშვებ ფეხებს საწყის მდგომარეობაში. ქვედა წერტილშიც შეაყოვნეთ და მერე გაიმეორეთ ვარჯიში ისე, რომ არ იქანავოთ.

ფეხები აწევისას ეცადეთ გქონდეთ ოდნავ მოხრილი და მოხრის კუთხე მთელი ვარჯიშის განმავლობაში არ შეცვალოთ. პრესზე დატვირთვა პირდაპირ კავშირშია ფეხების აწევის სიმაღლეზე. რაც უფრო მაღლა აწევთ ფეხებს, მით მეტად დაგეჭიმებათ მუცლის კუნთები. ფეხების 45 გრადუსზე აწევისას პრესი მინიმალურად არის დაჭიმული, ძირითადი დატვირთვა მოდის ფეხებზე. როცა ფეხები იატაკის პარალელურია დაჭიმეთ პრესი და წინ წამოწიეთ საჯდომი. ასე მეტად დაიჭიმება პრესი. ამიტომ ეს ვარჯიში არ მოითხოვს დამატებით სიმძიმეებს. საკუთარი სხეულის წონა საკმარისია.