შტანგით ჩაჯდომების ტექნიკა.
შტანგით ჩაჯდომები. ტექნიკა.
ძალისა და კუნთის მასის ზრდისთვის საუკეთესო ვარჯიშია შტანგით ჩაჯდომები. ეს ვარჯიში ხელს უწყობს ორგანიზმს მაქსიმალურად გამოიმუშავოს მამაკაცური ჰორმონი ტესტოსტერონი, რომელიც კუნთის მასის ზრდისთვისაა აუცილებელი.
ვარჯიშში ჩართული კუნთებია:
კვადრიცეპსები, ფეხის ბიცეპსები, დუნდულა და წელის გამშლელი კუნთები. მუშაობენ აგრეთვე მუცლის პრესი, ფეხისა და ტანის მცირე სტაბილიზატორი კუნთები.
ტექნიკა.
მიდით სადგამთან წინიდან, ხელები მოკიდეთ შტანგას მხრების სიგანეზე ოდნავ განზე, შტანგას შეუდექით ქვემოდან და დაიდეთ ტრაპეციის შუა ნაწილზე უკანა მხრების თავზე, არავითარ შემთხვევაში კისერზე, შტანგა აწიეთ ფეხებით, წამოდით ერთი ნაბიჯით უკან, თავი აწიეთ, ფეხები დადგით მხრების სიგანეზე ან ოდნავ განზე, ტერფები გაშალეთ 45 გრადუსზე, მკერდი წამოწიეთ წინ, ხოლო საჯდომი უკან, წელი ჩაზნიქეთ, დაიწყეთ ჩაჯდომა საჯდომის უკან გაწევით თითქოს ჯდებით დაბალ სკამზე და გაჩერდით როცა საჯდომი იქნება მუხლების გასწვრივ, მუხლები უნდა მოძრაობდნენ ტერფების მიმართულებით და არ უნდა გასცდნენ ტერფების წვერს, ყურადღება მიაქციეთ, რომ მუხლები არ თამაშობდნენ, მთელი მოძრაობის დროს შტანგა უნდა იყოს ქუსლებთან ერთ ხაზზე, ადგომისას ქუსლებით მიაწექით იატაკს და წამოდექით.
სუნთქვა.
ჩაჯდომისას ჩასუნთქვა, ადგომისას ამოსუნთქვა.
შეცდომები.
არ წამოწიოთ ქუსლები და არ დადგეთ ფეხის წვერებზე. არ ჩამოუშვათ მკერდი და არ მოხაროთ ზურგი, ზურგის კუნთები მუდმივად დაჭიმულია, არ უყუროთ დაბლა თორემ მოიხრებით, არ უნდა ითამაშონ მუხლებმა, შტანგა არ დაიდოთ კისერზე.