ომეგა-3.

ომეგა-3 არის ნახევრად არანაჯერი ცხიმოვანი მჟავა, რომელიც არ გამომუშავდება ორგანიზმში, მათი დეფიციტი ორგანიზმში იწვევს სხვადასხვა დარღვევებს.

ომეგა-3 ათხელებს სისხლს, სისხლი სისხლძარღვებში იწყებს უკეთესად მიმოქცევას, მცირდება არტერიული წნევა, მცირდება გულ–სისხლძარღვთა დაავადების რისკი, ტრომბის წარმოქმნა, ინსულტი და ინფარქტი. ეწინააღმდეგება ათეროსკლეროზული ბალთების წარმოქმნას სისხლძარღვებში. 

ომეგა-3 და ტვინის ჯანმრთელობა.

ომეგა-3 შედის ტვინის უჯრედების მემბრანაში. ტვინის ნივთიერების 60% ცხიმებისაგან შედგება. მისი ძირითადი ნაწილი –ომეგა 3-ია. უმჯობესდება ტვინის ფუნქცია, მაღლდება განწყობა. მისი დეფიციტისას მათ ფუნქციას სხვა ცხიმები იღებენ. ტვინის უჯრედის მემბრანა უხეში ხდება და უჯრედებს შორის იმპულსის გადაცემას მეტი დრო სჭირდება. ეს ნიშნავს, რომ ტვინის მუშაობა შენელებულია. ადამიანს უჭირს მკაფიოდ აზროვნება, მეხსიერება დაბინდულია. ასეთ დროს შეიძლება განვითარდეს დეპრესია. ამ პრობლემების თავიდან აცილება შეიძლება თუ რაციონში მოვუმატებთ ომეგა-3.

რით განსხვავდება თევზის ქონი ომეგა-3-გან.

თევზი შეიცავს ომეგა-3-ს, სინამდვილეში ეს მთლად ასე არ არის. განსხვავება თევზის ქონსა და ომეგა 3-ს შორის ისეთივეა, როგორც ნავთობსა და ბენზინს შორის. ომეგა-3 იღებენ თევზის ქონისგან, მისი გასუფთავება და მიღება ძვირი ჯდება. თევზი, რომელსაც ჩვენ ვჭამთ, ხელოვნურ წყალსაცავებშია გაზრდილი, სადაც მათ კვებავენ იაფფასიანი კომბინირებული საკვებით, ხოლო თევზში ომეგა-3 ხვდება მხოლოდ ზღვის პლანქტონებიდან, ამიტომ სასარგებლოა ჩრდილოეთის ცივ ზღვებში დაჭერილი თევზი. საკმარისი ომეგა-3 რომ მივიღოთ, მოგვიწევს ვჭამოთ თევზი ყოველდღე. ამიტომ ომეგა-3 იღებენ პრეპარატის სახით. 

თევზის ქონს უშვებენ კაფსულებში. ჩამოსასხმელი თევზის ქონის ჰაერთან შეხებისას იჟანგება და ხდება ტოქსიკური. ამიტომ ჯობია თევზის ქონი მივიღოთ კაფსულებით. კაფსულებში თევზის ქონში დამატებულია ვიტამინი E, რომელიც ეწინააღმდეგება ცხიმების დაჟანგვას და შენახვის ვადა მატულობს, შესაძლებელია ოთახის ტემპერატურაზეც შენახვა. ომეგა-3 მიღება არ არის რეკომენდირებული მაღალი ტემპერატურის დროს.

ომეგა-3-ის დაჟანგვის ასაცილებლად პროდუქტი შენახული უნდა იქნეს დახურულ, გრილ და ბნელ ადგილას. თერმულ დამუშავებაზე უფრო საშიშია მზის სხივები.

ომეგა-3 სპორტში.

ომეგა-3 ენერგიის წყაროა, არ იწვევს ცხიმის მომატებას. ხელს უწყობს მშრალი კუნთის ზრდას და ცხიმის შემცირებას. ზრდის ტონუსს და ამტანობას. გამოიყენება როგორც გასახდომად, ისე მასის გასაზრდელად. კუნთის ზრდაზე ომეგა-3-ის ეფექტი უმნიშვნელოა. იზრდება ტესტოსტერონის დონე, თრგუნავს კორტიზოლს. კარგია ვარჯიშის მერე აღდგენისთვის.

ომეგა-3 კარგია სახსრის ტრავმის პროფილაქტიკისთვის. უფრო ელასტიურს ხდის ხრტილს, დღეში 3-4 გრ. მიღებით რამოდენიმე თვეში ნახავთ შედეგს. ამ ცხიმოვანი მჟავებიდან იქმნება ანთების საწინააღმდეგო პროსტაგლანდინები, რითაც მცირდება სახსრების დაზიანება. პროსტაგლანდინები ამცირებენ ტკივილს და ანთებით პროცესებს, მცირდება ვარჯიშის შემდეგ კუნთოვანი ქსოვილების დაშლა და აღდგენა უფრო სწრაფად ხდება. ხონდროპროტექტორები არაეფექტურია, გაცილებით უკეთესია ომეგა-3.

სტეროიდები იწვევენ სისხლის შედედებას და მისი გათხელებისთვის ჯობია ომეგა-3 გამოყენება. რეკომენდირებული დოზაა 1 გრ. ასაკის მატებასთან და სახსრების დაავადებათა შემთხვევაში დოზა მატულობს 3-4 გრ. დოზის გადამეტება იწვევს სისხლის ზედმეტად გათხელებას, ამიტომ თუ ცხვირიდან სისხლი წამოვა, დოზა უნდა შემცირდეს.

რა დოზით უნდა მივიღოთ ომეგა-3.

ჩვეულებრივ ომეგა-3-ს დღეღამეში იღებენ 1 გრამს, კაფსულები არის 500 ან 1000 მილიგრამიანი. ომეგა 3 შეიცავს 11 ცხიმოვან მჟავას, აქედან ჩვენ გვჭირდება DHA და EPA, მათი ჯამი დღიური დოზა უნდა იყოს 1000 მგრ. ამიტომ ომეგა 3 ყიდვისას ყურადღება მიაქციეთ ამ მონაცემს.

ომეგა-3 საკვებ პროდუქტებში.

თევზი და ზღვის პროდუქტები (ორაგული, სკუმბრია, ნოტოტენია, ვირთევზა, პალტუსი, კალმახი, კიბორჩხალისებრნი, სარდინა, ქაშაყი და თინუსი).

კანოლის ზეთი, სელის თესლი და კაკალი, სელის ზეთი (სელის ზეთში ომეგა-3 და ომეგა-6 ცხიმების იდეალური თანაფარდობაა. თუმცა ისინი გახურებისას და ჰაერთან ურთიერთქმედებისას იჟანგება, წარმოიქმნება თავისუფალი რადიკალები).

სოიოს მარცვალი და სოიოს ზეთი.

მუქი-მწვანე ფურცლოვანი ბოსტნეული.

გაღვიებული ხორბალი.

სადაც ხშირად იყენებენ ზღვის პროდუქტს, გაცილებით ნაკლებია გულ-სისხლძარღვთა დაავადებები,