სახლის პირობებში ვარჯიში მასაზე. ფულბოდი პროგრამა განტელებით.

იმისათვის, რომ სახლის პირობებში ივარჯიშოთ მასაზე /კუნთების განვითარებაზე), აუცილებლად დაგჭირდებათ განტელები. განტელები ჯობია დასაშლელი, რომ შეძლოთ სხვადასხვა წონებით ვარჯიში. განტელების დახმარებით შესაძლებელია ნებისმიერ კუნთზე სხვადასხვა ვარჯიშების შესრულება. დღეს წარმოგიდგენთ პირველ სავარჯიშო პროგრამას – ფულბოდის ტიპის (სავარჯიშო პროგრამა მთელი სხეულისათვის), როცა ყველა ვარჯიშზე ვავარჯიშებთ ყველა კუნთს.

ფულბოდი პროგრამა განტელებით:

კვირაში 3-ჯერ ვარჯიში დღე გამოშვებით:
ორშ, ოთხშ, პარასკ.
ვარჯიშის დაწყებამდე ყველა სახსარის 10 წთ. გახურება.
მისვლებს შორის შესვენება 1-2 წთ.

1. განტელებით ხელში ნაბიჯის წინ გადადგმა ჯერ ერთი ფეხით, შემდეგ მეორეთი 15, 12, 12, 10

2. განტელების ამოწევა ნიკაპთან 12, 12, 12

3. ცალი ხელით განტელის ამოწევა დახრილ მდგომარეობაში 12, 10, 8

4. წოლჭიმი განტელებით იატაკზე დაწოლილ მდგომარეობაში 12, 12, 10, 8

5. განტელების აწევა თავს ზევით 12, 12, 10

6. განტელების აწევა ბიცეპსით 16, 14, 12, 12

7. განტელის აწევა თავს უკან ცალი ხელით 12, 12, 12

ვარჯიშის ბოლოს გაწელვები.
ყველა ვარჯიშის შემდეგ, ან არასავარჯიშო დღეებში დღეგამოშვებით შეგიძლია გააკეთო პრესის ვარჯიშები 5-8 წუთის განმავლობაში.
შენიშვნა: ამ პროგრამით ივარჯიშე 2-4 თვე, მერე შეგიძლია გადახვიდე სპლიტებზე.