ვჭამ ცოტას, მაგრამ მაინც ვერ ვიკლებ წონაში. რისი ბრალია დიდი მუცელი.

ვჭამ ცოტას, მაგრამ მაინც ვერ ვიკლებ წონაში. რისი ბრალია დიდი მუცელი.

ადამიანი იმატებს წონაში მაშინ, როცა იღებს იმაზე მეტ კალორიას, ვიდრე ხარჯავს. მაგრამ არსებობს ისეთი მდგომარეობაც, როცა ადამიანი ჭამს ცოტას, მაგრამ მაინც იმატებს წონაში. ამის მიზეზებია:

ჰორმონალური ცვლილებები – ის იწვევს მეტაბოლიზმის და წონის ცვლილებას. მაგ. თუ მომატებული გაქვთ ფარისებრი ჯირკვალის ფუნქცია (ჰიპერთირეოზი), დაიკლებთ წონაში, ხოლო თუ დაქვეითებულია ფუნქცია (ჰიპოთირეოზი), პირიქით, მოიმატებთ. ამიტომ, თუ თქვენ მოულოდნელად დაგეწყოთ წონის ცვლილება, შეამოწმეთ ფარისებრი ჯირკვალის ფუნქცია.

წონის მატების მიზეზი შეიძლება იყოს თირკმელზედა ჯირკვალის მომატებული კორტიკოსტეროიდული ჰორმონები, ან თუ ადამიანი იღებს ასეთ ჰორმონებს (მაგ, პრედნიზონოლი). ეს ჰორმონები გამოიყოფა სტრესის დროს, თუ ადამიანი იმყოფება ხანგრძლივი სტრესის ქვეშ შეიძლება წონის მომატებაც და დაკლებაც.

წონაში მომატების შემდეგი მიზეზია ინსულინრეზისტენტობა და ლეპტინის მიმართ რეზისტენტობა. როდესაც ჩვენი უჯრედები ვეღარ ხედავენ ამ ჰორმონებს.

ლეპტინი დანაყრების ჰორმონია. ნორმაში ლეპტინის მომატება ამცირებს მადას. მაგრამ თუ ლეპტინის მიმართ ორგანიზმი განიცდის რეზისტენტობას, მაშინ ადამიანი ბევრს ჭამს და კიდევ უნდა ჭამა, მას არ ეუფლება დანაყრების შეგრძნება.

წონის მატების კიდევ ერთი მიზეზია უძილობა. ორგანიზმისთვის ესეც სტრესია. ამ დროს გამოიყოფა იგივე სტრესის ჰორმონები თავისი შედეგებით: წონის მომატება, გლუკოზის მომატება სისხლში, წნევის მომატება. ამის გარდა, როცა ადამიანს არ ძინავს, უნდება ჭამა, თანაც ისეთი საკვების, რომელიც უმატებს წონას.

წამლების გვერდითი მოვლენები – ზ.ა. კორტიკოსტეროიდული, ქალური ჰორმონალური პრეპარატები, წნევის დამწევები, ანტიდეპრესანტები და ბევრი სხვა პრეპარატები.

ქალებში წონის მატების მიზეზი შეიძლება იყოს მენოპაუზა და ეს ნორმალურია. ამ შემთხვევაში არ არის აუცილებელი მკაცრი ზომების მიღება წონის დასაკლებად.

რისი ბრალია დიდი მუცელი.

ხშირად ცდებიან, როცა ფიქრობენ, რომ დიდ მუცელში ბევრი ცხიმია, სინამდვილეში მასში დაგროვილია ბევრი წყალი. ამის მიზეზი არის ღვიძლის და უფრო ხშირად თირკმელების ცუდი მუშაობა, რაც შეიძლება გამოწვეული იყოს არა დაავადებით, არამედ არასწორი კვებით. მაგ. ადამიანი ჭამს დიდი რაოდენობით მარილიან საკვებს, მარილი აკავებს წყალს, თანაც სწორედ მუცელში. არის დაფარული მარილები (შებოლილი პროდუქტები, ნახევარფაბრიკატები, ლორი, ძეხვი, სოსისი, პური და ა. შ.), რაც ასევე იწვევს მუცელში წყლის დაგროვებას. გარდა ამისა ნახევარფაბრიკატებში უმატებენ სხვადასხვა დანამატებს – ზრდის ჰორმონს, ანტიბიოტიკებს და სხვებს, რისგანაც ადამიანი ძალიან სწრაფად იმატებს ზედმეტ წონას. ამ შემთხვევაში ვერ გიშველით სატრენაჟორო დარბაზში ვარჯიში და მით უმეტეს მუცლის პრესის ვარჯიში. პირველ რიგში უნდა შეცვალოთ კვება, ამოიღოთ რაციონიდან ზ. ჩ. პროდუქტები. მეორე, გავაუმჯობესოთ ღვიძლის და თირკმელების მუშაობა, რაც ექიმის მიერ დანიშნული პრეპარატებით შეიძლება.  

თუ გაქვთ ჯანმრთელობის პრობლემები ჯერ უნდა გამოჯანმრთელდეთ და მერე დაიწყოთ გახდომა – შეიძლება პირველ თვეს ვერ დაიკლოთ ვერც ერთი კგ, მაგრამ ეს არ ნიშნავს, რომ დიეტა არ მუშაობს. თუ დიეტის დაწყებიდან თავს კარგად გრძნობთ, გახდით უფრო ენერგიული, გაგიუმჯობესდათ კანის მდგომარეობა, შემცირდა შეშუპება და ა. შ. ე. ი. ყველაფერი კარგადაა, წონაში კლება დაიწყება შემდეგ თვეში, თუ მოთმინებით გააგრძელებთ დიეტას. უნდა მიაქციოთ ყურადღება ჯანმრთელობის მდგომარეობას – მოგემატათ თუ არა ენერგია, დაკარგეთ თუ არა რაიმე საკვებისადმი დამოკიდებულება, შემცირდა თუ არა სტრესი, ეს ყველაფერი მნიშვნელოვანია. როცა ამას არ აქცევენ ყურადღებას და მარტო წონაში კლება აინტერესებთ, ვარდებიან უიმედობაში და ფიქრობენ, რომ დიეტა არ მუშაობს და ისტრესებიან. ეს შეცდომაა, ორიენტირებული უნდა იყოთ ჯანმრთელობაზე და არა მარტო წონაზე, იმიტომ რომ ჯანმრთელი ორგანიზმი ადვილად მოიშორებს ზედმეტ კილოგრამებს.