პოზირება ბოდიბილდინგში.

შეჯიბრებებში ფასდება არა მხოლოდ თქვენი კუნთები, არამედ მათი დემონსტრირების უნარი მსაჯების წინაშე. თქვენ უნდა მოაწონოთ თავი აუდიტორიას, ისწავლოთ თქვენი ძლიერი მხარეების ჩვენება და ნაკლოვანებების ”დამალვა”.

8 აუცილებელი პოზა.

1. ორმაგი ბიცეპსი წინიდან (ნახ. 1).

ქუსლები ერთად, ტერფები განზე (ლათინური ასო V), ფეხები მუხლებში ოდნავ მოხრილი, ბარძაყის ოთხთავა კუნთები დაძაბეთ. ღრმად ჩაისუნთქეთ გულმკერდის გასაფართოებლად და გამართეთ ზურგის უგანიერესი კუნთები. ნიკაპი ოდნავ დაბლა, უყურებთ მსაჯებს.

იდაყვები ოდნავ აწეულია, მუშტები მხრებისკენ არის მიმართული. ისე ვიღიმებით, თითქოს გავიმარჯვეთ!

2. ზურგის უგანიერესი კუნთი წინიდან (ნახ. 2).

ფეხები, როგორც პირველ პოზაში. მნიშვნელოვანია მკერდის აწევა და ზურგის უგანიერესის გასწორება, ასევე წინა დელტების წინ წამოწევა. ოდნავ მოხარეთ მკლავები მენჯთან ტრიცეპსის საჩვენებლად.

შეზნიქეთ მუცელი. ნიკაპი ოდნავ ზემოთ. კვლავ ვიღიმებით.

3. მკერდის კუნთები გვერდიდან (ნახ. 3).

იყავით მზად ამ პოზის დემონსტრირებისთვის ორივე მხრიდან. პირველ რიგში, მოტრიალდით 90 გრადუსით მარჯვნივ ან მარცხნივ. მეორეც, მოტრიალდით მსაჯებისკენ და დააფიქსირეთ პოზირებისთვის უფრო ხელსაყრელი მხარე.

აქ აუცილებლად ხაზი უნდა გაუსვათ ფეხებს. ერთი ხელისგული უნდა იყოს ზევით და მეორე ქვემოთ. არ დაგავიწყდეთ ხელების ჩაკეტვა და კუნთების დაჭიმვა, ხოლო მკერდი დაიჭირეთ ისე, თითქოს ამოვარდნაზეა. ჟიურის სიყვარულით სავსე მზერით შეხედეთ!

4. ტრიცეპსი გვერდიდან (ნახ .4).

ფეხები ისევ ერთადაა, სხეული ოდნავ შემობრუნებული. ხელები ზურგს უკან ჩაკეტეთ. ღრმად ჩაისუნთქე და მაქსიმალურად დაძაბე ტრიცეპსი, რომ აჩვენო ის მთელი თავისი ბრწყინვალებით.

ოდნავ შეტრიალდით სხვადასხვა მიმართულებით, რომ მაყურებლებმა შეაფასონ თქვენი ფორმა. გვახსოვდეს თეძოები – ვიძაბებით და ვათამაშებთ კუნთებს.

5. პრესისა და ბარძაყის კუნთები წინიდან (ნახ. 5).

შეარჩიეთ თქვენი უფრო დიდი და რელიეფური ფეხი და წამოწიეთ იგი წინ. შეინარჩუნეთ ფეხი დაძაბული, ამავე დროს ხელები დაიჭირეთ თავს უკან. ამოისუნთქეთ და დაძაბეთ მუცლის კუნთები.

ეს ალბათ ყველაზე რთული პოზაა, რადგან აქ აუცილებელია რაც შეიძლება ეფექტურად აჩვენოთ მთელი სხეული და ყურადღება გაამახვილოთ თქვენს ღირსებებზე.

6. ორმაგი ბიცეპსი უკნიდან (ნახ .6).

ამ პოზიციაში უნდა შეაქციოთ ზურგი მსაჯებს … უკან გადადგით ნაბიჯი თქვენი მომგებიანი ფეხით. აწიეთ ხელები და იდაყვები ჩამოწიეთ ყურებზე ოდნავ ქვემოთ.

შეკარით მუშტები (ცერი შიგნით) და დაძაბეთ ბიცეპსი დელტებთან ერთად. თუ ამ პოზაში მკერდს ასწევთ, ეს კარგად გაუსვამს ხაზს ზურგის უგანიერესი კუნთის ქვედა ნაწილს. თქვენ შეგიძლიათ არ გაიღიმოთ ამ პოზაში, აქ ბევრად უფრო მნიშვნელოვანია თქვენი ტრუსების ფერი. პოზირებისას არ დაგავიწყდეთ დუნდულა კუნთების თამაში – მსაჯებს უყვართ ეს!

7. ზურგის უგანიერესი უკნიდან (ნახ .7).

ფეხები და სხეული განლაგებულია ისევე, როგორც წინა პოზაში. ამ პოზიციაში მსაჯები აფასებენ არა მხოლოდ ზურგს, არამედ წვივის კუნთების ხარისხსაც, ასევე საერთო მდგომარეობას.

ამ პოზის ვარჯიშის დროს, სთხოვეთ ვინმეს კამერით გადაიღოს და მერე ყურადღებით გადახედეთ ვიდეოს. შემდეგ მონიშნეთ ყველა თქვენი ნაკლი და დახვეწეთ ეს პოზა.

8. მაქსიმალური სიმძლავრე (ნახ .8).

ამ პოზის მრავალი ვარიაცია არსებობს, იმიტომ რომ იმპროვიზაცია წახალისებულია. აირჩიე შენი უკეთესი ფეხი და წინ წამოწიე. ოდნავ გადაიხარეთ წინ და მაქსიმალურად დაძაბეთ თქვენი ბიცეპსისა და გულმკერდის კუნთები.

მკაცრად აკრძალულია ამ პოზაში ღიმილი. საუკეთესოა ბღვერა, თვალების ბრიალი და მსაჯებისთვის ენის ჩვენება, ისინი აღფრთოვანებაში მოყავთ ასეთ რამეებს.