ხელების შეერთება ტრენაჟორში (პეპელა).

ვარჯიშის შესრულების ტექნიკა:

საწყისი პოზიცია. დაჯექით ტრენაჟორის სკამზე და ზურგით მიეყრდენით საზურგეს.

დაიჭირეთ სახელურები იდაყვში ოდნავ მოხრილი ხელებით. მინიშნება: სკამი დაარეგულირეთ ისე, რომ ხელები მოძრაობდნენ იატაკის პარალელურ სიბრტყეში. თუ სკამი იქნება დაბლა, უფრო მეტად დაიტვირთება ზედა მკერდი, თუ მაღლა ავწევთ სკამს, ქვედა მკერდი დაიტვირთება.

შესრულება. ამოსუნთქვაზე ნელა შეაერთეთ სახელურები ერთმანეთთან, შეკუმშეთ გულმკერდის კუნთები და ზურგით მიაწექით საზურგეს. თუ სახელურები მოძრავია, ხელები იდაყვში გამართეთ. დააფიქსირეთ ეს პოზიცია რამოდენიმე წამით. ბოლო წერტილში გვაქვს მაქსიმალური დაძაბულობა – პიკური შეკუმშვა (რაც არ გვაქვს განტელებით განგაშლისას).

ჩასუნთქვისას სახელურები ნელა დააბრუნეთ თავდაპირველ მდგომარეობაში. გულმკერდის კუნთები იწელება მაქსიმალურად, წონები არ დაუშვათ ბოლომდე, დააფიქსირეთ პოზიცია (შენიშვნა: გოგოების შემთხვევაში ხელებს არ ვშლით ბოლომდე, კეთდება არასრული ამპლიტუდა, რათა არ განვითარდეს მკერდის მცირე კუნთი იღლიასთან). მოძრაობა მხოლოდ მხრის სახსარში, იდაყვის სახსარში ხელი ოდნავ მოხრილია.

შეასრულეთ საჭირო რაოდენობის გამეორებები.

ვარჯიში სრულდება მკერდის ბაზისური ვარჯიშების შემდეგ, ბოლოში, კუნთის გათიშვამდე.

მუშა კუნთებია: მკერდი

ვარჯიშის სახეობა: იზოლირებული

ვარიაციები: შეგიძლიათ გამოიყენოთ კროსოვერი.

დაშვებული შეცდომები: მკვეთრი მოძრაობა, არასრული ამპლიტუდა, ხელის იდაყვში ზედმეტად მოხრა, მხრების წინ წამოწევა, არ აიღოთ დიდი წონა. არ ჩამოუშვათ იდაყვები.

მსგავსი ვარჯიშები: განგაშლა.