ყველაზე ცუდი რჩევები ბოდიბილდინგში.

სწორედ ცუდი რჩევები აჩერებს პროგრესს.

აი ყველაზე გავრცელებული და საზიანო რჩევები ბოდიბილდინგში:

1. რაც მეტს ივარჯიშებ, მით უკეთესია.

მეტი ვარჯიში ნიშნავს გადაღლას, კორტიზოლის მატებას და კუნთის ზრდის შეფერხებას.

✅ კუნთი იზრდება დასვენებისას, არა ვარჯიშისას.

2. მუდმივად ერთი და იგივე ვარჯიშები აკეთე.

თუ ერთსა და იმავე მოძრაობას აკეთებ, სხეული ეგუება და პროგრესი ჩერდება.

✅ ცვალე პროგრამა — წონები, გამეორებები, ტემპი ან ვარჯიშის ტიპი.

3. საკმარისია ცილა, სხვა საკვებს მნიშვნელობა არ აქვს.

მხოლოდ ცილა არ აშენებს კუნთს. საჭიროა ნახშირწყლები ენერგიისთვის და ცხიმები ჰორმონების დასაბალანსებლად.

✅ კვება უნდა იყოს სრულფასოვანი და დაბალანსებული.

4. დიდი წონები ყოველთვის უკეთესია.

დიდი წონა მაშინ მუშაობს, როცა ტექნიკა სწორია. არასწორად აწეული მძიმე წონა ზრდის ტრავმის რისკს.

✅ ჯერ სწორი ტექნიკა, შემდეგ მოდის წონა.

5. თუ ტკივილი არ გაქვს, კუნთი არ იზრდება.

ტკივილი ხშირად ნიშნავს ტრავმას.

✅ ნორმალურია კუნთის წვა ვარჯიშზე, მაგრამ არა ძლიერი ტკივილი ვარჯიშის მერე.

6. სტეროიდები აუცილებელია კუნთების ზრდისთვის.

სტეროიდები იწვევს სერიოზულ გვერდით ეფექტებს: ჰორმონალურ დისბალანსს, გულ-სისხლძარღვთა პრობლემებს და სხვ.

✅ კარგი პროგრამა + კვება + ძილი = ნამდვილ პროგრესს.

7. მხოლოდ ვარჯიშითაც შეიძლება შედეგის მიღება.

კვება არის შედეგის 70%, ვარჯიში კი მხოლოდ გვეხმარება შედეგის მიღებაში.

✅ კვება, ვარჯიში და ძილი, ყველა ერთად იძლევა შედეგს.

8. ერთი და იგივე პროგრამა ყველაზე მუშაობს.

ჩვენ განსხვავდებით ერთმანეთისგან. რაც ერთს აძლევს შედეგს, მეორეს არ შველის.

✅ პროგრამა უნდა იყოს ინდივიდუალური: გასათვალისწინებელია სქესი, ასაკი, წონა, მიზანი, აგებულება და გამოცდილება.

9. დამწყებმა აუცილებლად უნდა მიიღოს დანამატები.

დამწყებისთვის საკმარისია ჩვეულებრივი საკვები.

✅ დანამატები მხოლოდ მაშინ, როცა კვებით ვერ ივსება საჭირო რაოდენობა.

10. პრესის ვარჯიში ცხიმს წვავს მუცელზე.

ლოკალური ცხიმის წვა არ არსებობს.

✅ ცხიმი იწვის მთლიანად, სწორი კვებით და აერობული ვარჯიშით.

11. ივარჯიშე მხოლოდ ტრენაჟორებზე.

ტრენაჟორებზე არ მუშაობენ სტაბილიზატორი კუნთები.

✅ ჩართე ტრენაჟორები და თავისუფალი წონები, ასე გაძლიერდება როგორც დიდი, ისე სტაბილიზატორი კუნთები.

12. დაისვენე როცა კუნთები გტკივა.

მხოლოდ ტრავმის შემთხვევაშია საჭირო სრული დასვენება.

✅ თუ ტკივილი მხოლოდ ჩვეულებრივი კრეპატურაა, შეგიძლია მსუბუქად ივარჯიშო.

13. ძალისმიერი ვარჯიში კარდიოს მერე.

ძალისმიერი ვარჯიშით ცხიმი არ იწვება, იწვება გლიკოგენი. ჯერ კადიოთი დაიწვება გლიკოგენი და ენერგია აღარ დარჩება ძალისმიერისთვის.

✅ ჯერ ძალისმიერი, მერე კარდიო. ასე შეინარჩუნებ ენერგიას და უკეთ დაწვავ ცხიმს ვარჯიშის ბოლოს.

14. პრესის ვარჯიში დასაწყისში.

დაღლილი პრესი არღვევს კუნთების ბალანსს და ზრდის ტრავმის რისკს ძირითად ვარჯიშებში.

✅ პრესის ვარჯიში ბოლოს ან ცალკე დღეს.