ფეხის უკან აქნევა ქვედა ბლოკზე.

ვარჯიშის შესრულების ტექნიკა:

საწყისი პოზიცია. დაიმაგრეთ წვივის ქვედა ნაწილში ფეხის მანჟეტი, რომელიც მიმაგრებულია ქვედა ბლოკის კაბელზე.

დადექით ბლოკის წინ 50-60 სმ მანძილზე, საყრდენი ფეხი შეიძლება დავდგათ დაბალ სტეპზე, ან პირდაპირ იატაკზე. მოკიდეთ ხელები სახელურებს. წინ გადაიხარეთ იატაკის მიმართ 45 გრადუსზე (უფრო მეტად გადახრისას დატვირთვა დუნდულაზე შემცირდება), მუხლები ოდნავ მოხარეთ. ეს არის საწყისი პოზიცია.

დაჭიმეთ დუნდულები და ამოსუნთქვაზე ფეხი აიქნიეთ უკან. მოძრაობას ვიწყებთ ფეხის გაშლით, თითქოს ფეხის ჟიმს ვაკეთებთ, თან ვწევთ მაღლა და ფეხი აღწერს ნახევარწრეს. აწიეთ ფეხი რაც შეიძლება მაღლა, სანამ არ იგრძნობთ დისკომფორტს. მინიშნება: მოძრაობის ბოლოს ფეხი უნდა იყოს ბოლომდე გამართული, შეკუმშეთ დუნდულები და შეყოვნდით რამოდენიმე წამით, რომ გაზარდოთ ვარჯიშის ეფექტურობა.

ჩასუნთქვისას ნელა ჩამოწიეთ ფეხი და დააბრუნეთ იგი საწყის მდგომარეობაში, საყრდენი ფეხის დონემდე, უფრო წინ არ გაწიოთ ფეხი. ამ წერტილში ფეხი მუხლში მოხრილი უნდა იყოს. თუ ვარჯიშს შეასრულებთ გამართული ფეხით, მაშინ დატვირთვა დუნდულიდან გადავა ფეხის ბიცეპსზე.

შეასრულეთ გამეორებების საჭირო რაოდენობა.

გააკეთეთ იგივე მეორე ფეხით.

მუშა კუნთებია: დუნდულები     

დამხმარე კუნთებია: ფეხის ბიცეპსი