ფეხის უკან აქნევა ქვედა ბლოკზე

➤ ვარჯიშის შესრულების ტექნიკა

🔹 საწყისი პოზიცია:
დაიმაგრეთ ფეხის მანჟეტი წვივის ქვედა ნაწილში და მიამაგრეთ იგი ქვედა ბლოკის კაბელზე. დადექით ბლოკის წინ დაახლოებით 50–60 სმ მანძილზე. საყრდენი ფეხი შეიძლება იყოს იატაკზე ან დაბალ სტეპზე. ხელები მოკიდეთ ტრენაჟორის სახელურებს ან ჩარჩოს.

ტანი ოდნავ გადახარეთ წინ (დაახლოებით 30–45°), ზურგი შეინარჩუნეთ სწორ მდგომარეობაში, მუხლები ოდნავ მოხარეთ. მუცლის კუნთები დაჭიმეთ სხეულის სტაბილიზაციისთვის. ეს არის საწყისი პოზიცია.

🔹 მოძრაობის შესრულება:
ამოსუნთქვისას დაჭიმეთ დუნდულები და სამუშაო ფეხი გაიტანეთ უკან თეძოს გაშლის მოძრაობით. ფეხი მოძრაობს უკან და ოდნავ ზემოთ.

აწიეთ ფეხი იმ დონემდე, სანამ შეინარჩუნებთ სწორ ტექნიკას და არ იგრძნობთ დისკომფორტს. მოძრაობის ზედა წერტილში შეკუმშეთ დუნდულა და შეაყოვნეთ პოზიცია დაახლოებით 1–2 წამით.

🔹 დაბრუნება:
ჩასუნთქვისას ნელა და კონტროლირებულად ჩამოწიეთ ფეხი საწყის მდგომარეობამდე. მოძრაობის დროს შეინარჩუნეთ ოდნავ მოხრილი მუხლი და არ გაიტანოთ ფეხი სხეულის წინ.

შეასრულეთ საჭირო რაოდენობის გამეორებები და შემდეგ იგივე გააკეთეთ მეორე ფეხით.

➤ მუშა კუნთები

• დიდი დუნდულა

დამხმარე კუნთები

• ბარძაყის უკანა ჯგუფი
• შუა დუნდულა
• სხეულის შუაწელის სტაბილიზატორი კუნთები

📛 ავტორი: ირაკლი კენჭოშვილი / Tidanigym.ge

🚫 ნებართვის გარეშე კოპირება აკრძალულია.

✅ წყაროს მითითებით გაზიარება მისაღებია