სავარჯიშო კომპლექსი ამოტრიალებული სამკუთხედის ფორმის დუნდულებისთვის.

ეს სავარჯიშო კომპლექსი განკუთვნილია გოგონებისთვის, რომლებსაც აქვთ ამოტრიალებული სამკუთხედის ფორმის დუნდულები, როცა დუნდულების ქვედა ნაწილი ნაკლებად მოცულობითია, ასევე მათთვის, ვისაც სურს ჰქონდეს ლამაზი თეძოები და პროპორციულად განვითარებული დუნდულები. აქცენტი იქნება დუნდულების ქვედა ნაწილზე და ფეხებზე.

ვარჯიშისთვის დაგჭირდებათ:

1. სავარჯიშო სკამი, კუბი ან შესაფერისი სიმაღლის ნებისმიერი სხვა სტაბილური საყრდენი. საყრდენის სიმაღლე უნდა იყოს დაახლოებით მუხლის დონეზე.

2. რეზინის რგოლები, რომელთა გამოყენებას გირჩევთ ყველა ვარჯიშში, გარდა ნაბიჯებისა და ჩაჯდომებისა.

3.დამატებითი წონა, თქვენი მომზადების დონის მიხედვით.

გამეორებების რაოდენობას ვირჩევთ ინდივიდუალურად. ვაკეთებთ გამეორებების ისეთ რაოდენობას, რომ ბოლო 3 გამეორება საკმაოდ რთული შესასრულებელი იყო.

ვარჯიში დაგეხმარებათ დუნდულების ტონუსში მოყვანაში და გამკვრივებაში. იმისათვის, რომ დუნდულა კუნთები სრულად დატვირთოთ, გაიმეორეთ თითოეული ვარჯიში 3-ჯერ თითო ფეხისთვის, ანუ შეასრულოთ 3 სეტი (არ არის საჭირო დიდი შესვენება სეტებს შორის).

1. ხიდი ცალ ფეხზე რეზინით

ფეხებზე გაიკეთეთ რეზინის რგოლი და ბეჭებით დაწექით იატაკზე, ეყრდნობით ცალ ფეხს და მეორე ფეხს წევთ ზევით, ზედა წერტილში წამიერი შეყოვნებით. შემდეგ გადადიხართ მეორე ფეხზე. თითო ფეხზე 15-20*3.

2. ტუმბოზე დაჯდომა ცალ ფეხზე

დადექით ტუმბოდან ნახევარი ნაბიჯით წინ, დაეყრდენით მარცხენა ფეხის ტერფს, მარჯვენა ფეხი დადგით წინ ქუსლით. დაჯექით ტუმბოზე და ერთ წამში ადექით. თითო ფეხზე 20*3

3. ჩაჯდომა ცალ ფეხზე განტელებით

დადექით ცალი ფეხით წინ ისე რომ ჩაჯდომისას მუხლებში იყოს 90 გრადუსი. წინა ფეხის მუხლი არ უნდა გაცდეს ტერფს. გააკეთეთ ჩაჯდომები ჯერ ერთ ფეხზე, მერე მეორეზე, გამეორება ცალ ფეხზე 15*3.

4. ჩაჯდომა ფეხის გვერდზე აქნევასთან ერთად

დადექით სწორად, ფეხები მხრებზე ოდნავ განზე, გააკეთეთ ჩაჯდომა, ადგომისას აიქნიეთ ცალი ფეხი გვერდზე და დაუშვით თავის ადგილზე. თითო ფეხზე გააკეთეთ 15 გამეორება 15*3.

5. ხიდი მუხლების გაშლით რეზინით

გაიკეთეთ რეზინის რგოლი ფეხებზე მუხლს ზევით, ბეჭებით დაეყრდენით სკამს, ფეხები დადგით იატაკზე მხრების სიგანეზე. დაიწყეთ საჯდომის დაბლა დაშვება და აწევა ზევით, ზედა წერტილში გაშალეთ მუხლები და დაბრუნდით საწყის პოზიციაში, ვარჯიში გაიმეორეთ 20-ჯერ 3 სერიაში 20*3.

6. ფეხების განგაშლა ტრენაჟორში 20*3