საუკეთესო მეთოდები ბოდიბილდინგში.

საუკეთესო მეთოდი ცხიმის დასაწვავად (იგულისხმება ძალისმიერი ვარჯიშები). თავისუფალი წონები. თავისუფალი წონით ვარჯიშში ერთვება სტაბილიზატორი კუნთები, რომელიც პასუხს აგებს წონასწორობაზე და შესაბამისად მეტ კალორიასაც წვავს, რაც ტრენაჟორზე არ მოითხოვება. ამიტომ თავისუფალი წონებით ვარჯიშისას უფრო მეტი ცხიმი იწვება ვიდრე ტრენაჟორებით ვარჯიშის დროს.                                             

მოკლე შესვენებები. რაც უფრო მოკლე იქნება შესვენება, მით მეტი კალორია დაიწვება ვარჯიშის დროს. ცხიმის დასაწვავად ჯობია მისვლებს შორის შესვენებები იყოს 30 წამი. ამ შემთხვევაში კალორიის ხარჯი 2-ჯერ მატულობს. მძიმე ბაზისური ვარჯიშის მერე ცხიმის წვის პროცესი კიდევ დიდხანს გრძელდება.

საუკეთესო ძალის მომატებისთვის. პირამიდა. პირამიდა არის წონის თანდათანობით მომატება: გახურება პატარა წონით, პირველი მისვლა მაქსიმუმის 50%, მე-2 მისვლა 75%, მე-3 მისვლა 90% და ბოლოს 100% მაქს. წონა.

საუკეთესო დრო გაწელვისთვის. ვარჯიშის შემდეგ. ვარჯიშის დაწყებამდე გჭირდებათ მცირე გაწელვები, ეს შესძენს თქვენს კუნთებს ძალას. რაც შეეხება სერიოზულ მუშაობას ელასტიურობაზე და სტატიკურ გაწელვებს, ისინი გააკეთეთ ძალისმიერი ვარჯიშის მერე.

საუკეთესო დრო კარდიოსთვის. ვარჯიშის შემდეგ. კარდიო ვარჯიშები უფრო ეფექტურია და ცხიმი უფრო მეტად იწვება ძალისმიერი ვარჯიშების შემდეგ. უზმოზე დილის აერობული ვარჯიშებიც ძალიან ეფექტურია, მაგრამ ვერ ჯობნის ძალისმიერის შემდეგ ვარჯიშს.

როგორ ჯობია კარდიოს კეთება. მინი სესიები. კარდიო ვარჯიშები შეიძლება დავყოთ 10 წუთიან მინი სესიებად და მათ შორის 5 წუთამდეც შევისვენოთ. ასეთი მინი სესიებით ვარჯიშისას ცხიმის წვას ხელი არ ეშლება და თავად კარდიო ვარჯიში უფრო ინტენსიური იქნება.

კარდიოს საუკეთესო სახეობა. ინტერვალური ტრენინგი. ინტერვალური ტრენინგისას ერთი წუთი დარბიხართ სწრაფად, ერთი წუთი დადიხართ. სწრაფი სირბილის და სიარულის ერთწუთიანი ინტერვალებით ივარჯიშეთ 20-30 წუთი. ინტერვალური ტრენინგის დროს იწვება მეტი ცხიმი, ვიდრე მონოტონური სირბილით.