რატომ უნდა დავთვალოთ კალორიები და ცცნ.

რას ნიშნავს კალორიულობა და ცცნ?

ყველა პროდუქტს აქვს თავისი 4 მაჩვენებელი: ცილების, ცხიმების, ნახშირწყლების შემადგენლობა და კალორიულობა, რასაც იძლევა ეს პროდუქტი.

1 გრ. ცილა – 4 კკალ.

1 გრ ცხიმი – 9 კკალ.

1 გრ. ნახშირწყალი – 4 კკალ.

ამის გათვალისწინებით შეგიძლიათ მიახლოებით განსაზღვროთ რამდენი უნდა იყოს მაკრონუტრიენტების (ცცნ) დღიური ნორმა 1 კგ. თქვენ წონაზე:

ცილები – 1.5 – 2 გრ.

ცხიმები – 1 გრ.

ნახშირწყლები – 4 – 5 გრ.

რატომ უნდა დავთვალოთ კალორიები და ცცნ.

ვთქვათ იანგარიშეთ, რომ გასახდომად გჭირდებათ 1500 კკალ. დღეში, რომელიც შეგიძლიათ მიიღოთ 2 ჭამაზე რაიმე ფასთ-ფუდით. რა თქმა უნდა ამ შემთხვევაშიც დაიკლებთ, მაგრამ თქვენი სხეულის ხარისხი არ იქნება ისეთი, რასაც ელოდებით, თანაც ხშირად გექნებათ შიმშილის გრძნობა და ზედმეტი წონაც მალე დაბრუნდება. ამიტომ დიეტისას უნდა მიიღოთ ხარისხიანი საკვები, რომელიც სარგებლობას მოგიტანთ.

მაგ. წახემსებაზე რას აირჩევთ, 0.5 ლ. კოკა კოლას და შოკოლადის ბატონს თუ იოგურტს თხილეულთან ერთად?

პირველ შემთხვევაში ორგანიზმი მიიღებს:

687 კკალ.

ცილას 2.9 გრ.

ცხიმს 16.7 გრ.

ნახშირწყალს 98.1 გრ.

ხოლო მეორე შემთხვევაში:

 372 კკალ.

ცილა 19.3 გრ.

ცხიმი 21.3 გრ.

ნახშირწყალი 25.1 გრ.

როგორც ხედავთ კალორაჟში ძალიან დიდი სხვაობაა, თანაც პირველ შემთხვევაში ძალიან ბევრ შაქარს იღებთ და ტრანსცხიმებს, ხოლო იოგურტიდან და თხილეულიდან სასარგებლო ცხიმებს და ცილას, რომელიც დიდი ხნით დაგანაყრებთ, ხოლო ტკბილეულის მერე მალე მოგშივდებათ.